Күнтізбе

« Мамыр 2017 »
Дс Сс Ср Бс Жм Сб Жк
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Серіктестер

 

Жарнама

Ислам дінінің асыл құндылықтары

Дәл осындай тақырыпта Түрген ауылының А.Жексембеков атындағы орта мектепте семинар өтті жақында. Аудандық ішкі саясат бөлімінің қолдауымен, «Елім-ай» қоғамдық қорының ұйымдастыруымен жүзеге асқан шарада Облыстық ақпараттық түсіндіру тобының мүшесі, дінтанушы-заңгер, Шет тілдер және іскерлік карьера университеті дінтану факультетінің магистрі Тимур Нүсіпханұлы, Қызылжар ауылдық Қалыбек батыр мешітінің имамы Солтанбек Қарибаев кеңейтілген баяндама оқыды. Семинарды аудандық ішкі саясат бөлімінің бас маманы Қайсар Асқарұлы жүргізіп отырды.

 

Бүгінгі қоғамда құлшылық пен құндылықтың орнын ауыстырып алған сыңайлымыз. Себебі, құлшылық әрбір пенде үшін қажет. Ал құндылық жалпы адамзат баласына тән дүние. Сондықтан құлшылықты емес, адами құндылықты насихаттауда осалдық танытып отырған жайымыз бар. Бұл турасында Тимур Нүсіпханұлы:

– Барлық діндер негізінде құндылықтармен келген. Діндердің мақсаты да сол, адамдардың бойына асыл құндылықтарды қондыру. Ал Ислам – тұла бойы тұнған құндылық діні. Осыны ұғынбағандар Исламды құндылықпен емес, құлшылықпен түсінгеннен кейін қазіргідей күйге түсіп отырмыз. Себебі, теріс пиғылдылар құлшылығың жоқ болса, сен мұсылман емессің деп жастар санасын сарсаңға салады. Мысалы, Құранда Алла «намаз оқыңдар» деп міндеттейді, ал қалай оқу керектігі жайлы айтылмайды. Оны Пайғамбарымыз Мұхаммед (с.ғ.с) өзінің сүннетінде түсіндіреді. Ал Құранда құндылыққа ерекше мән берілген. Айталық, сәлемдесу туралы: «Ассалаумағалейкум!» деген адамға «уағалейкум-ассалам» деп жақсылықпен қайтарыңдар деп Құранда бекіткен. Яғни, амандасу да үлкен құндылық. Неліктен? Өйткені, сәлемі түзудің – ісі де түзу болады. Бұрындары бұл құндылық әрбір ауылда сақталған еді. Қазір ше? Амандасуды былай қойсақ, кейбір жастарымыз үлкендерді қағып-соғып өтіп кетеді. Міне осындай құндылықтарымыз жойылған сайын ата дінімізден де алыстап барамыз. Себебі, Исламды толтырған – асыл құндылықтар, – деді.

Мінберге көтерілген Солтанбек Карибаев салты сара, дәстүрі дара, иманы берік елге бақ-береке орнайтынын сөз етті. Ата дәстүріміз бен дін Исламның арасындағы өзара тығыз байланысты жан-жақты түсіндіріп берді.

Жиынды қорытқан «Елім-ай» қоғамдық қорының төрағасы Ж.Мұхамедов шараның мақсатын түсіндіріп, барша қатысушыларға алғысын білдірді. Сонымен қатар бірқатар азаматтарға Алғыс хаттар табыс етті.

 Өз тілшіміз.